فہرست
تعارف
ماہ ذی الحجہ کے اختتامی ایام اپنی خصوصی اہمیت رکھتے ہیں۔ماہِ ذی الحجہ کاپورامہینہ ہی بڑی قدر ومنزلت رکھتاہے۔یہ تاریخی، مذہبی اورثقافتی اعتبار سے کئی جہتی انفرادیت اورخصوصیت رکھتا ہے۔اسی مناسبت سے ان ایام کے چند احکام ، مسائل،آداب اورتقاضے ہیں جن سے آگاہ ہونا ضروری ہے۔
Taaruf
Mah e Zil-haja ke ikhtitami ayyaam apni khusoosi ahmiyat rakhtay hain. Mah e Zil-haja aik janib khud barri qader vmnzlt ka maheena hai. yeh tareekhi, mazhabi aur sqafti aitbaar se kayi jehti infiradiat or Khasusiat rakhta hai. isi munasbat se un ayyaam ke chand ehkaam, masail, aadaab or tqazay hain jin se aagah hona zaroori hai.
ابتدائے ذی الحجہ کی اہمیت
ذی الحجہ ان چارمحترم معززمہینوں (یعنی اشھر حرم) میں سے ایک ہے ، جن کی پاسداری اسلام سے قبل عرب بھی اپنے عرف اور رواج کے مطابق کیا کرتے تھے۔نیز اس مہینہ میں دینی شعائر اور ارکان اسلام میں سے ایک عظیم الشان عبادت یعنی حج کی ادائیگی عمل میں لائی جاتی ہے۔یہ اور ان جیسی کئی خصوصیات کے باعث نبی اکرم ﷺنےاس مہینہ میں رات کے قیام اور دن کے صیام کی خصوصی فضیلت بیان فرمائی ہے۔
ذو الحجہ کے ابتدائی دس ایام اعمال اور اذکارمیں محنت ،لگن اورکوشش کا موقعہ ہوتے ہیں۔زبان پر ہمہ وقت تسبیح وتہلیل جاری رہتی ہے، جس میں خدا تعالی کی کبریائی اور اپنی بندگی، کا اقرار واعتراف اور سپاس ہوتا ہے۔راتوں کو عبادت اور زاری ہوتی ہے۔پروردگار کے روبرومجسمہءبندگی اور احتیاج بن کر کھڑے رہنا ہوتا ہے۔اور دن کے اوقات میں اس کی خوشنودی کے لئےروزہ کی صورت میں جائز خواہشات اور ضروریات سے بھی پرہیز کرنا ہوتا ہے۔پھر ان تمام امور ذکروفکر، دعاء والحاح اور عبادت ومناسک کا ایک مجموعی عمل یعنی حج اپنی ادائیگی کے جلو میں صبرواستقامت، محنت وتھکن کا ایک تسلسل لئے ہوتی ہے۔
آخر ذی الحجہ کی خصوصیت
پھر اس مہینہ کے آخری ایام آتے ہیں ۔جو ان تمام محنتوں کا ثمر، ان تمام کاوشوں کا پھل ہوتے ہیں۔ان ایام میں گویا کہ کامیابی اور سرفرازی کے نوشتے اورسرٹیفیکیٹ عطاء کئے جاتے ہیں۔حاجی حج کے مناسک اور زیارات سے مستفید اور بہرہ مند ہو کر واپسی کا رخت سفر باندھتے ہیں۔اپنے ساتھ پروردگار کی محبت،شفقت، رحمت اور برکت کے ان گنت خزینے اورفیضانات لے کر لوٹتے ہیں۔خداتعالی کی محبتوں اور نوازشوں کے یہ امین اس کےنمائندےبن کرباقی لوگوں کی سیرابی اورفیض یابی کا بھی ذریعہ بن جاتےہیں۔
Ibtidaye Zil-haja ki ahmiyat
Zil-haja un char mohtram or moazziz mahinon ( yani Ash-hur-e-haram ) mein se aik hai, jin ki pasdari islam se qabal arab bhi apne urf aur rivaaj ke mutabiq kya karte thay. neez is maheena mein deeni Shaer aur arkaan islam mein se aik azeem al shan ibadat yani hajj ki adaigi amal mein layi jati hai. yeh aur un jaisi kayi khususiyaat ke baais nabi akram salaam na is maheena mein raat ke qiyam aur din ke Sayam ki khusoosi fazeelat bayan farmai hai.
Is mah ke ibtidayi das ayyaam aamaal aur azkar main mehnat, lagan avrkoshsh ka moqa hotay hain. zabaan par hama waqt tasbeeh -o-tahleel jari rehti hai, jis mein kkhuda taala ki bandagi, kbryayi ka iqraar wa eitiraf aur Sapas hota hai. raton ko ibadat aur zaari hoti hai. parvar-digaar ke roo-broo mujasama-e-bandgi aur ehtiaaj ban kar kharray rehna hota hai. aur din ke auqaat mein is ki khushnodi ke liye roza ki soorat mein jaaiz khwahisaat aur zaroriat se bhi parhaiz karna hota hai. phir un tamam umoor zikar- o-fikar or dua-o-elhah aur ibadat wa manasik ka aik majmoi amal yani hajj apni adaigi ke jalo mein sabar-o-istiqamat, mehnat wa thakan ka aik tasalsul liye hoti hai.
Aakhir Zil-haja ki khasusiyat
phir is maheena ke aakhri ayyaam atay hain. jo un tamam mehnaton ka samar, un tamam kawishon ka phal hotay hain. un ayyaam mein goya ke kamyabi aur sarfarazi ke noshte or cirtificate Ata kiye jatay hain. haaji hajj ke mnask aur zeyarat se mustafeed aur behra mand ho kar wapsi ka rakhat safar bandhtay hain. –apne sath parvar-digaar ki mohabbat, shafqat, rehmat aur barket ke un ginat Khazinayor faizanat le kar lottay hain. Khuda Taala ki mohabbaton aur nawazishoon ke yeh amin is ke numainday ban kar baqi logon ki sirabi or faizyabi ka bhi zareya ban jatay hain.
حج مبرور:اہداف ومقاصد
حاجی پروانہءمحبت بن کر خدا کے در پر حاضر ہوتا ہے۔ وہ اپنی عقیدت، جانثاری اور وفاداری کا دم بھرتے ہوئے اس کے حضور پیش ہوتا ہے۔اس کے پیش نظر اپنی بندگی کےاس عہد کی تجدید اور پختگی کرناہوتی ہے جو اس نے ازل میں عالم ارواح کے وقت اپنے رب سے کی ہوتی ہے۔اس عہد بندگی اور رشتہء وفاداری کے نبھانے میں اس سے جو کوتاہی ہو چکی ہوتی ہے، اس کی پیشمانی سےخدا کے گھر جا کر اس کی چوکھٹ پر گر کر معافی مانگنا ہوتی ہے۔اور یہ وعدہ کرنا ہوتا ہے کہ وہ اپنی اس کوتقصیر کا ازالہ اپنی آئندہ زندگی میں کرے گا۔
حدیث میں آتا ہے کہ حجر اسود دھرتی پر خدا تعالی کے داہنے ہاتھ کی مثال ہے۔حاجی جب اس کی بوسہ کشی کرتا ہے،اس کا استلام کرتا ہےتو گویا کہ وہ اپنے اسی عہدوپیمان کی تجدید (رینیوئل)کر رہا ہوتا ہے۔اور اس وارفتگی اور یقین دہانی کے صلہ میں رب رحمن کی جانب سے اس کے تمام گذشتہ گناہ معاف کردئے جاتے ہیں۔اس کے گناہوں کی نحوست اورسیاہی دھو ڈالی جاتی ہے۔اور وہ اس طرح پاکیزہ اور منزہ ہو جاتاہے جیسا کہ کسی ماں کا نوزائیدہ بچہ ہو، جو ہرمعصیت کی آلودگی سے پاک ہوتا ہے۔
مقبول حج کے اثرات وعلامات
پاکیزگی اور بالیدگی (کتھارسس)کی یہ حالت اور کیفیت ایسی ہوتی ہے کہ اس عالم میں وہ جو دعاء کرتا ہے وہ قبول ہوتی ہے، کیونکہ گناہ ومعصیت دعاء کی قبولیت کی رکاوٹوں میں سے ہیں۔اسی لئے روایات میں آتا ہے کہ حاجی جو اپنے لئے اور دوسروں کے لئے بخشش کی دعاء کرتا ہے تو وہ اس کے اور ان سب کے حق میں قبول ہوجاتی ہے۔اسکی یہ دعاء صرف بخشش کا ذریعہ نہیں ہوتی بلکہ آخرت میں شفاعت کا استعارہ بھی ہوتی ہے۔
انہی اسباب ووجوہات کی بنا پر بزرگان دین نے مبرور حج کی علامات اور تقاضے بیان کئے ہیں۔ان کے مطابق اس کے اثرات وعلامات میں سے یہ ہے کہ حاجی اپنی آئندہ زندگی اور سلوک میں ایک تائب شخص کی مانند ہوجاتا ہے۔جس کو معصیت اور نافرمانی سے نفرت ہو جاتی ہے۔اس کے لئے اپنی سابقہ آلودہ زندگی کی جانب پلٹنا مشکل ہوجاتا ہے۔دنیا کی حق تلفی کئے بغیر آخرت کی ترجیح اس کا مطمح نظر بن جاتی ہے۔وہ دنیاسے بیزار اور آخرت کا طلبگار بن جاتاہے۔اور ان مقاصدکے تحت نیکیوں اور بھلائیوں کی طرف اس کی طلب اورجستجو مزید بڑھ جاتی ہے۔
Hajj-e-Mabroor: Ahdaaf wa Mqasad
Haaji parwana-e-mohabat ban kar kkhuda ke dar par haazir hota hai. woh apni aqeedat, jan-nisari aur wafadaari ka dam bhartay hue is ke huzoor paish hota hai. is ke paish e nazar apni bandagi ke is ehad ki tajdeed aur pukhtagi karna hoti hai jo is ne azal mein –apne rab se ki hoti hai. is ehad bandagi aur rishta-e-wafadaari ke nibhanay mein is se jo kotahi ho chuki hoti hai, is ki paishmani se kkhuda ke ghar ja kar is ki chokhat par gir kar maffi maangna hoti hai. aur yeh wada karna hota hai ke woh apni is ko taqseer ka azaala apni aindah zindagi mein kere ga .
hadees mein aata hai ke hijr Aswed dharti par kkhuda taala ke dahinay haath ki misaal hai. haaji jab is ki bosa kashi karta hai, is ka istilam karta hai to goya ke woh apne isi ehad o peman ki tajdeed ( renewal ) kar raha hota hai. aur is varftgi aur yaqeen dehani ke sila mein rab Rehman ki janib se is ke tamam guzashta gunah maaf kardiye jatay hain. is ke gunaaho ki nahosat or seyahi dho daali jati hai. aur woh is terhan pakeeza aur munazza ho jata hai jaisa ke kisi maa ka nozaida bacha ho, jo har mosibat ki aloodgi se pak hota hai.
Maqbool Hajj ke Asraat wa Elamaat
pakizgee aur baleedgi ( citharsus ) ki yeh haalat aur kefiyat aisi hoti hai ke is aalam mein woh jo dua karta hai woh qubool hoti hai, kyunkay gunah wa maesiat duaa ki qabuliat ki rukawaton mein se hain. isi liye riwayaat mein aata hai ke haaji jo apne liye aur doosron ke liye bakhshish ki dua karta hai to woh is ke aur un sab ke haq mein qubool hojati hai. uski yeh dua sirf bakhshish ka zareya nahi hoti balkay akhirat mein Shafaat ka isteara bhi hoti hai.
Inhi asbaab-o-wjoohat ki bana par islaaf ne Mabroor Hajj ki alamaat aur taqazay bayan kiye hain. un ke mutabiq is ke asraat wa elamaat mein se yeh hai ke haaji apni aindah zindagi aur sulooq mein aik Taib shakhs ki manind hojata hai. jis ko masiat aur nafarmani se nafrat ho jati hai. is ke liye apni Sabiqa aaloda zindagi ki janib palatna mushkil hojata hai. duniya ki haq talfi kiye baghair akhirat ki tarjeeh is ka mtmh nazar ban jati hai. woh dnyase bezaar aur akhirat ka tallab-gaar ban jata hai. aur un mqasid ke tehat nakiyon aur bhulaiyon ki taraf is ki talabb or justuju mazeed barh jati hai .
بدقسمت حاجی
حاجیوں کی ایک بڑی تعداد میں جو ہمیں یہ آثار وعلامات ظاہر ہوتے دکھائی نہیں دیتیں تو اس کی بڑی وجہ یہی ہے کہ وہ بدقسمت حج مبرور کے مستحق نہیں بن پائے ہوتے۔یہ وہ لوگ ہوتے ہیں جو حج کے آداب واحکام کی رعایت کی بجائےریتی رواج اور دوسروں کی دیکھا دکھائی میں حج کرنے چلے تو جاتے ہیں لیکن اس صحیح نیت اور اسپرٹ سے کورے ہوتے ہیں، جو ایک عاشق اور متوالے کی ہونی چاہئے۔ان کے پیش نظر توبہ وندامت اور تجدید عہد نہیں ہوتی ۔جب نیت اور ہدف متعین نا ہو تو تمام تر کوشش بے سود جاتی ہے۔
تاہم کسی کو یہ بھی حق نہیں کہ کسی کے حج کے بارے مقبول یا مردود ہونے کی ججمنٹ دیتا پھرے۔یہ بندہ اور خدا کا معاملہ ہے۔رب رحمن کے ہاں تو ہر صدمہ ومصیبت پر بھی صلہ اور اجر ملتا ہے۔جس کا حج ناقص رہ گیا اس کے لئے اس سے بڑھ کر کیا مصیبت اور آزمائش ہوگی۔یقینا خدا کی طرف سے اسے بھی محروم نہیں رکھا جائےگا۔
حاجیوں کا استقبال
ذی الحجہ کے آداب وفضائل کی وجہ سےمسلمانوں کے عرف ورواج میں شروع سے یہ چلن رہا ہے کہ وہ حاجیوں کی واپسی پر بڑے اہتمام سے ان کے استقبال کی تیاری کرتے ہیں۔دیارِحبیب سے لوٹنے والوں کی نگاہوںمیں محبوب کے دلکش نظاروں کی جھلک دیکھنے کی تمنائیں لئے لوگ، رشتہ دار اور اقارب پہلی فرصت میں ان کی زیارت کرنے کو بیتاب ہوتے ہیں۔جیسے اپنے آبائی وطن سے دور کسی شخص کے پاس اپنے علاقہ ووطن کا کوئی باسی آجائے تو وہ جستجو کے ساتھ اس سے وہاں کے حال واحوال دریافت کرتا ہے۔اسی لئے حضرت ابن عباس رضی اللہ عنہ سے مروی ہے کہ اگر لوگوں کو حجاج کاحق قدردانی معلوم ہوجائے تو وہ ان کی قدم بوسی کے لئے حاضر ہوجائیں۔
نبیﷺ حج یا عمرہ یا کسی سفرسے واپس تشریف لاتے تو اہل مدینہ اپنے رسم رواج کے مطابق باہر نکل کر آپﷺکا استقبال کیا کرتے تھے۔ان کے بچے اس موقعہ پر پیش پیش ہوتے تھے۔اور نبی اکرمﷺان سے بڑے پیار اور شفقت سے پیش آتے اور انہیں اپنے ساتھ سواری پر بٹھا لیا کرتے۔
نبیﷺسے ایک روایت میں ہے کہ جب حاجی سے اس کے گھر داخل ہونے سے پہلے ملو تو اسے پہلے سلام کرو اور پھر مصافحہ کے بعد اپنے لئے بخشش کی دعاء کا کہوکیونکہ وہ مستجاب الدعوات ہوتا ہے۔
اسی طرح حبیب بن ابی ثابت سے منقول ہے کہ وہ اپنے والد کے ساتھ حجاج کے استقبال کے لئے گئے کیونکہ وہ نہیں چاہتے تھے کہ حجاج اپنے گھروں میں چلےجائیں اور بشری تقاضوں سے گناہوں سے اپنے دامن کو آلودہ کر لیں اس لئے پہلےہی ان سے مل کر دعاء کا کہہ لیں۔ایسی ہی نیت اور تلقین دیگر سلف سے بھی منقول ہے۔حضرت عمررضی اللہ عنہ سے منقول ہے کہ ذی الحجہ کے آخری ایام، اور محرم، صفر اورربیع الاول کے پہلے دس ایام تک حاجیوں کی دعاء مغفرت اپنےحق میں اور دوسروں کے حق میں قبول ہوتی ہے۔
Badqismat Haaji
hajion ki aik barri tadaad mein jo hamein yeh assaar-o-elamaat zahir hotay dikhayi nahi detin to is ki barri wajah yahi hai ke woh budqismat Hajj Mabroor ke mustahiq nahi ban paye hotay. yeh woh log hotay hain jo Haj ke Ahkam or Aadab ki reayat ke baghair mehz reeti rivaaj aur doosron ki dekha dikhayi mein hajj karne chalay to jatay hain lekin is sahih niyat aur spratt se kore hotay hain jo aik aashiq aur matawaale ki honi chahiye. un ke paish e nazar tauba wa nadamat aur tajdeed ehad nahi hoti. jab niyat aur hadaf mutayyan na ho to tamam tar koshish be sood jati hai.
Taham kisi ko haq nahi ke kisi ke hajj ke baray maqbool ya mardood honay ki judgement deta phiray. yeh bandah aur kkhuda ka maamla hai. rab Rehman ke haan to har sadma wa musibat par bhi sila aur ajar milta hai. jis ka hajj naaqis reh gaya is ke liye is se barh kar kya museebat hogi. yaqeenan kkhuda ki taraf se usay bhi mahroom nahi rakha jaye ga.
Hajion ka Istiqbaal
Zil Hajja ke Aadab-o-Fazayel ki wja se musalmanoon ke urf o riwaj mein isi wajah se yeh chalan shuru se raha hai ke woh hajion ki wapsi par barray ihtimaam se un ke istaqbaal ki tayari karte hain. Diyaar-e-habib se lotney walon ki nigahon main mehboob ke dilkash nazaron ki jhalak dekhnay ki tamannaye liye log, rishta daar aur Iqareb pehli fursat mein un ki ziyarat karne ko betaab hotay hain. jaisay –apne aabadi watan se daur kisi shakhs ke paas –apne ilaqa wa watan ka koi baasi aajay to woh justojoo ke sath is se wahan ke haal-o-ahwal daryaft karta hai. isi liye hazrat Ibn abbas razi Allah anho se marwi hai ke agar logon ko Hajjaj kahq qadardaani maloom hojaye to woh un ki qadam bosi ke liye haazir ho jaien.
Nabi salam hajj ya omra ya kisi sfrse wapas tashreef laatay to ahal madinah apne rasam rivaaj ke mutabiq bahar nikal kar Aap ka istaqbaal kya karte thay. un ke bachay is moqa par paish paish hotay thay. aur nabi akram salaam un se barray pyar aur shafqat se paish atay aur inhen apne sath sawari par bitha liya karte .
nabi salaam se aik riwayat mein hai ke jab haaji se is ke ghar daakhil honay se pehlay milo to usay pehlay salam karo aur phir musafah ke baad apne liye bakhshish ki dua ka kaho kiyon ke woh Mustajab aldawat hota hai.
isi terhan habib ban abi saabit se manqool hai ke woh apne waalid ke sath Hajjaj ke istaqbaal ke liye gaye kyunkay woh nahi chahtay thay ke Hajjaj apne gharon mein chalay jayen aur bashri taqazoon se gunaaho se –apne daman ko aaloda kar len is liye pehlay hi un se mil kar dua ka keh len. aisi hi niyat aur Talqeen deegar slf se bhi manqool hai. hazrat umar razi Allah anho se manqool hai ke Zee al-haja ke aakhri ayyaam, aur Mehram , sifar or rabee-al-awwal ke pehlay das ayyaam tak hajion ki dua mughfirat –apne haq mein aur doosron ke haq mein qubool hoti hai.
خلاصہ
الغرض ذی الحجہ کےآداب وفضائل کی مناسبت سےحجاج کی آمد پر خصوصی اہتمام سے ان کا استقبال کرنا ،پہلی فرصت میں ان سے دعاء کا کہنا اور ان کے لئے حج مبرور کی دعاء کرنا اہل اسلام کا دستور رہا ہے۔بلکہ ایسے موقعہ پر حاجی کو نصیحت اور تلقین کرنا بھی پسندیدہ ہے جس میں حج کے تقاضوں اور ذمہ داریوں کے نبھانے کی طرف اس کی توجہ دلائی جائے۔اور اس عظیم الشان فریضہ اور عمل کی بجاآوری میں جو تقصیر اس سے ہوگئی اس پر خدا تعالی سے عفو ودرگزر کا خواستگار ہواجائے۔
Khulasa
Al-gharz Zil Hajja ke Aadab-o-Fazayel ki munasbat se Hajjaj ki aamad par khusoosi ihtimaam se un ka istaqbaal karna, pehli fursat mein un se dua ka kehna aur un ke liye hajj Mabrur ki dua karna ahal islam ka dastoor raha hai. balkay aisay moqa par haaji ko naseehat aur Talqeen karna bhi pasandeeda hai jis mein hajj ke taqazoon aur zimma darion ke nibhanay ki taraf is ki tawajah dilae jaye. aur is azeem al shan fareeza aur amal ki bjaaavri mein jo taqseer is se hogayi is par kkhuda taala se Afoo darguzar ka khawastgah hua jay.
Add Comment